Pavlodarda NIS ustazdary - 32 gradýs aıazǵa qaramastan shákirtterine tosyn syı uıymdastyrdy
ASTANA. QazAqparat - Pavlodar qalasyndaǵy hımııa-bıologııa baǵytyndaǵy Nazarbaev Zııatkerlik mektebiniń ustazdary Dúnıejúzilik balalar kúnine oraı shákirtterine tosyn syı uıymdastyrdy, dep habarlaıdy pavlodarnews.kz.
Bilim berý mekemesiniń baspasóz hatshysy Rymgúl Bojaqanovanyń aıtýynsha, ustazdar qaýymy búgin tańerteń meıramǵa sáıkes bezendirilgen mektep dálizinde oqýshylardy erekshe qoshemetpen qarsy alǵan. Pedagogtar men psıhologtar, shetel ustazdary árbir oqýshynyń bilekterine tilek baýlar baılaǵan. Oqýshylar bolsa, kókeılerindegi arman-tilekterin aıtqan.
" Búgingi kún erekshe bastaldy deýge bolady. Synap baǵanasy -32 gradýsty kórsetip tursa da, barlyǵymyz sabaqqa keldik. Mektep esigin ashqanda ustazdarymyzdyń yrǵaqty mýzykamen osyndaı tosynsyı uıymdastyrǵanyn kórip, qatty qýanyp qaldyq", - deıdi 9 «D» synyp oqýshysy Mekesh Saǵymbaı.
Eske sala keteıik, búginde Nazarbaev Zııatkerlik mektebinde 7-11 synyptarda oqıtyn oqýshylardyń sany - 617. Olarǵa biliktiligi joǵary 127 ustaz bilim beredi.
Aıta ketken jón, 20 qarasha dúnıe júzi boıynsha balalar kúni retinde atalyp ótiledi. 1954 jyly BUU Bas Assambleıasy Búkilálemdik balalar kúnin álemdegi balalar arasynda týystyq pen túsinistik ornatý jáne ómir súrýge qolaıly jaǵdaı jasaýǵa yqpal etý kúni retinde ótkizýdi usynǵan. BUU-nyń resmı qujattarynda 20 qarasha kúni Búkilálemdik balalar kúnin ótkizý týraly aıtylady. Bul kúni 1959 jyly Bala quqyqtary týraly Deklaratsııa, 1989 jyly «Balalardyń quqyqtary týraly» Konventsııa qabyldandy.
