Pavlodarda naızaǵaı saldarynan tramvaılar toqtap qaldy
ASTANA. QazAqparat - Búgin Pavlodarda Soltústik óndiris aýmaǵyndaǵy kásiporyndardyń qyzmetkerleri tańerteń ádettegideı tramvaımen emes, jumysqa avtobýspen kelýge májbúr boldy, dep habarlaıdy pavlodarnews.kz .
Aldyn ala málimetterge súıensek, tún ortasynda túıispe jelisiniń tireýine jaı túsken.
"Túıispe jelisiniń úzilip qalǵany týraly tehnıkalyq qyzmet anyqtaǵan", - dedi tramvaı basqarmasy. "Vagondar jolǵa shyqpady. Sondyqtan kólik keptelisi bola qoıǵan joq. Soltústik aýmaqtaǵy onnan astam kásiporynnyń, onyń ishinde hım qalashyǵy, JEO-nyń qyzmetkerlerin tasymaldaıtyn «PAVLODARENERGO» JShS men arnaıy tramvaı marshrýty avtobýsqa aýystyryldy. Arnaıy marshrýttan basqa, bul baǵytta 3 jáne 4 jolaýshylar vagony qatynaıdy".
