Pavlodarda Naýryz arýy baıqaýynyń bas júldesin baıanaýyldyq boıjetken jeńip aldy

ASTANA. QazAqparat - Ulystyń uly kúni qarsańynda Pavlodar qalasyndaǵy «Shańyraq» xalyq shyǵarmashylyǵy jáne mádenı-saýyq qyzmeti ortalyǵynda oblystyq «Naýryz arýy» baıqaýy ótti, dep habarlaıdy pavlodarnews.kz .

Oblystyq mádenıet, arxıvter jáne qujattama basqarmasynyń qoldaýymen ótken baıqaýǵa dodaǵa óńirdiń ár aýdanynan 15 arý qatysty. Olardyń bilim deńgeıi men talanty tóreshiler talqysyna tústi. Baıqaýda arýlar ata-saltty berik ustaǵandyǵyn, tól tarıx pen mádenıetke jetik ekendikterin ańǵartty. Baıqaý sharty «Men qazaqtyń qyzymyn», «Halqyn súıgen-saltyn súıer», «Ulttyq taǵam máziri», «Óner sarqylmas qazyna», «Sheberdiń qoly altyn» atty bes kezeńnen turdy.
 

Munda eliniń namysyn arqalaı kelgen ár arý án men jyrdan shashý shashyp, biri myń burala bılep, bar ónerin xalyqqa pash ete otyra jınalǵandardyń qoshemetine bólendi. Al, qazylar alqasy olardyń tapqyrlyǵy men ónerin sarapqa sala otyryp, úzdikterin tańdady.  
 

Nátıjesinde Baıanaýyl aýdanynyń namysyn arqalaı kelgen arý Mádına Asylbekova bas júldege ıe boldy. Al, 1-orynǵa Aqsý aýyldyq aımaǵynan kelgen Ańsarym Qurman, 2-orynǵa Pavlodar qalasynan qatysýshy Gaýxar Musa, 3-orynǵa Maıqaıyń kentiniń arýy Gákký Qaırat laıyq dep tanyldy. Sondaı-aq, qatysýshylarǵa arnaıy nomınatsııalar da tabystaldy. Atap óter bolsaq, «Ónerpaz arý» - Aınamkóz Mustafa, «Qolań shashty arý» - Dınara Qaıyrbekova, «Sheber arý» - Ardana Qaımoldına, «Kerbez arý» - Ámına Aldamuratova atandy.