Pavlodarda nannyń qymbattaýyna qatysty AShM jaýapty hatshysy pikir bildirdi

ALMATY. QazAqparat – QR Aýyl sharýashylyǵy mınıstrliginiń jaýapty hatshysy Marat Orazaev Pavlodarda nannyń qymbattaýyna qatysty pikir bildirdi, dep habarlaıdy QazAqparat tilshisi.

«Pavlodarda nan qymbattaǵany týraly fakti tańerteń anyqtaldy. Onymen mınıstrlik aınalysady. Biraq Qazaqstanda áleýmettik nannyń baǵasy ózgermeıdi. Búginde respýblıka boıynsha nannyń ortasha baǵasy – 76,1 teńge. Biraq ár óńirde ártúrli baǵa, óıtkeni shıkizat jetkizýge ketetin shyǵyndar esepteledi. Eń tómengi baǵa – Soltústik Qazaqstanda», - dedi ol Almatyda alǵash ret toılanǵan Nan kúni merekesinde.

Marat Orazaevtyń aıtýynsha, qorda byltyrǵy ónimnen qalǵan 5,1 mıllıon tonna astyq bar.

Buǵan deıin mınıstrlik ókilderi áleýmettik nannyń baǵasy ózgermeıdi dep sendirgen bolatyn.

Pavlodar oblysy ákiminiń baspasóz qyzmetiniń málimdeýinshe, BAQ-ta jáne áleýmettik jelilerde Pavlodarda áleýmettik nannyń baǵasy 85 teńgeden 105 teńgege kóterildi degen aqparat paıda bolǵannan keıin, oblystyq kásipkerlik jáne saýda basqarmasy men qala ákimdigi arnaıy monıtorıng júrgizgen.

Avtory Elaman Turysbekov