Pavlodarda myńnan astam bala bir mezette Astana kúnine oraı fleshmob bıledi
ASTANA. QazAqparat - Pavlodarda myńnan astam balabaqsha tárbıelenýshileri bir ýaqytta elorda kúnine oraı «Týǵan kúnińmen, Astana!» atty fleshmob bıledi.
Aýqymdy shara Estaı atyndaǵy mádenıet saraıynyń aldynda bastaldy dep habarlaıdy pavlodarnews.kz .
Munda 200-deı búldirshin bı bıledi. - Fleshmob ár balabaqshanyń sport alańdarynda da ótip jatyr, - dedi qalalyq bilim berý bóliminiń mektepke deıingi sektorynyń bas mamany Nursultan Shákirov. - Mádenıet saraıynyń aldynda № 4, 17, 18, 38, 40, 51 balabaqsha tárbıelenýshileri bı bılep, aspanǵa sharlaryn ushyrdy. Mundaı shara bizde birinshi ret ótkizilip jatqan joq. Densaýlyq kúnine oraı Pavlodarda «Sport - Men - Kóktem» aktsııasy sheńberinde uıymdastyrylǵan fleshmobta bir mezette balabaqshanyń 1500 tárıelenýshisi men olardyń ata-analary bı bılegen bolatyn. Aldaǵy ýaqytta da ol jalǵasyn tabady.
Sharanyń basty maqsaty - ósip kele jatqan urpaqtyń boıyna azamattyq patrıotızmdi qalyptastyryp, elimizdiń jetken jetistikterine degen maqtanysh sezimderin damytý.
