Pavlodarda muqtaj otbasylardyń úılerindegi murjalar tegin tazartylyp jatyr
PAVLODAR. KAZINFORM - Tótenshe jaǵdaılar qyzmetkerleri teplovızordyń kómegimen peshterdiń qyzý deńgeıin tekseredi. Murjalary bitelgen jaǵdaıda tazartyp beredi.
Óńirlik tótenshe jaǵdaılar departamentiniń mamandary jylytý kezeńi aıasynda profılaktıkalyq reıd ót
- Úılerdi aralaý barysynda mamandar turǵyndar arasynda túsindirý jumystaryn júrgizdi. Jeke úılerdegi peshter men murjalardy qarap, aýyl turǵyndaryna órt qaýipsizdigi erejelerin eske saldy. Órttiń aldyn alýdyń negizgi faktorlarynyń biri retinde murjalardy ýaqtyly tazartýǵa erekshe nazar aýdaryldy. Qyzmetkerlerimiz muqtaj otbasylar ornalasqan úılerdegi murjany tegin tazartyp, kómirtegi totyǵy datchıkterin, peshterdiń aldyna janýdan qorǵaıtyn materıaldar ornatty, - dep habarlady departamentten.
Mamandar teplovızordyń kómegimen peshterdiń qyzý deńgeıin tekserip, úı-jaılarda kómirtegi totyǵynyń bolýyna ólsheýler júrgizgen.
Tótenshe jaǵdaı qyzmetiniń qyzmetkerleri úılerge barlyǵy 770 ýly gaz datchıgin ornatqan. Osylaısha qys mezgilinde qaýipsizdiktiń qosymsha deńgeıin qamtamasyz etti.
Eske sala keteıik, Túrkistan oblysynda turǵyn úıde bolǵan órtten 12 adam mert boldy.