Pavlodarda múgedektik tobyn berýdiń eýropalyq nusqasyn engizý usynyldy
Nur Otan partııasy oblystyq fılıalynda ótken azamattardy qabyldaý kezinde «Altyn bata» qoǵamdyq qorynyń quryltaıshysy Evgenııa Stelvaga halyq qalaýlysyna suraq qoıdy.
«Qazir 16 jastan asqan «Daýn sındromy», «Aýtızm», «Shızofrenııa», «Aqyl-oı kemistigi» jáne basqa da mentaldyq buzylýshyǵy bar múmkindigi shekteýli balalarǵa ekinshi nemese úshinshi múgedektik toby beriledi, - deıdi Evgenııa Stelvaga. - Biraq 16 jastan keıin, tipti, 18 jastan keıin de bul eresek balalar qaraýsyz júre almaıdy. Olardy úıde qaldyryp, jumysqa shyǵa almaısyń. Óıtkeni, bul qaýipsiz emes. Sondyqtan mundaı balalardyń múgedektik toby birinshi bolýy kerek. Mysaly, birinshi toptaǵy múgedektigi bar, biraq júrmeıtin aqyl-oıy saqtalǵan balanyń anasy jumys taba alady nemese úıden úsh saǵatqa shyǵyp kelý múmkindigi bar. Al, psıhıatrııalyq dıagnozy bar balanyń anasynda mundaı múmkindik joq. Sondyqtan zańnamaǵa ózgerister engizý jáne múgedektik tobyn berý standarttaryn qaıta qaraý múmkindigin qarastyrýdy suraımyn».
Sondaı-aq, spıker múgedektikti berýdiń eýropalyq nusqasyn qarastyrýdy usyndy. ıAǵnı, psıhıkalyq aýrýy bar eresek múgedek únemi baqylaýdy qajet etedi dep sanalady. Ata-analar naýqasty kútip, jumys isteýge múmkindigi joq bolǵandyqtan ótemaqy alady.
«Zeınetaqy júıesi zańnamasyn qaıta qaraý qajet dep oılaımyn, - deıdi Evgenııa Stelvaga. - Qazir múmkindigi shekteýli balalardyń analary bárimen birdeı 63 jasta zeınetke shyǵady. Biraq «erekshe» balalardyń ata-analary qarapaıym analardan az ómir súredi. Eger kórshi elderdiń tájirıbesine qaraıtyn bolsaq, mysaly, Reseıde múgedek balalardy tárbıelep otyrǵan analar zeınetke 50 jasta shyǵady. Meniń oıymsha, bul sanattaǵy adamdardyń zeınet jasyn azaıtý ádil bolar edi».
Oǵan qosa, «Altyn bata» qorynyń aýtıst balalar men men mentaldyq aýytqýlary bar balalarǵa arnalǵan ońaltý ortalyǵynyń dırektory májilismenderden óńirlerde ornalasqan erekshe balalarǵa arnalǵan ortalyqtarǵa kóbirek kóńil bólýdi surady.
