Pavlodarda múgedekterdiń taktıldi jolaqtary men pandýstary talapqa saı bolmaǵan
PAVLODAR. KAZINFORM- Pavlodar oblysy Aqqýly aýdanynyń prokýratýrasy 10 áleýmettik nysannyń irgeles aýmaqtarynda erekshe qajettilikteri bar adamdar úshin qoljetimdi orta qarastyrylmaǵanyn anyqtady.
Bul jaǵdaılar olardyń konstıtýtsııalyq quqyqtaryna nuqsan keltirip, áleýmettik teńsizdikke ákeldi.
Prokýrorlyq qadaǵalaý aktisi boıynsha bıýdjetten 1 mıllıon teńgege jýyq qarajat bólinip, oǵan aýdannyń 9 ákimshilik ǵımaratynda taktıldi jolaqtar men kómekke shaqyrý túımeleri ornatylǵan pandýstar jóndelip, salyndy.
Taǵy on mekemede arnaıy avtoturaqtar men olarǵa arnalǵan jol belgileri qoıyldy.
Kemshilikter úshin eki balans ustaýshynyń árqaısysyna 200 myń teńgeden astam ákimshilik aıyppul salyndy.
Osylaısha prokýrorlyq qadaǵalaý sharalarymen aýdannyń erekshe qajettilikteri bar 417 turǵynynyń quqyǵy qalpyna keltirildi.
Eske sala keteıik, Elimizde múgedek jandardyń 58% eńbekke jaramdy.
