Pavlodarda múgedek balalarǵa arnalǵan ońaltý ortalyǵy alaıaqtyqpen aınalysqan
PAVLODAR. KAZINFORM — Polıtseıler QR Qylmystyq kodeksiniń 190-baby boıynsha sotqa deıingi tergep-tekserýdi bastady, tergeý is-sharalary júrgizilip jatyr.
Pavlodar qalasynyń prokýratýrasy jergilikti bıýdjetten qarjylandyrylatyn ońaltý ortalyqtarynyń birinen aqshany zańsyz jınaý deregin anyqtady. Mekeme basshylyǵy múgedektigi bar adamdarǵa arnaýly áleýmettik qyzmetter kórsetkeni úshin qosymsha tólemaqy alyp otyrǵan.
— Ortalyq basshysy jalǵan sharttar jasasqany anyqtaldy. Sonyń negizinde kórsetiletin qyzmetti alýshylar uzaq ýaqyt boıy ortalyqqa bıýdjet qarajaty esebinen kózdelgen qyzmetter úshin aqy tólep kelgen. Búgingi kúni kámeletke tolmaǵandardyń zańdy ókilderine jalpy somasy 7,6 mln teńge kóleminde zııan keltirilgen. Alaıaqtyq deregi boıynsha Pavlodar qalasynyń polıtsııa basqarmasy Qylmystyq kodekstiń 190-baby boıynsha sotqa deıingi tergep-tekserýdi bastady. Tergeý is-sharalary júrgizilip jatyr, — dep habarlady óńirlik prokýratýradan.
Qylmystyq is júrgizý kodeksiniń 201-babyna sáıkes tergeý múddesi úshin ózge aqparat jarııa etilmeıdi.
Eske sala keteıik, prokýrorlar bilim salasy boıynsha 8 mlrd teńge shyǵyndy anyqtady.