Pavlodarda muǵalimderge taǵaıyndalǵan jazalar týraly 1941-45 jj jýrnal tabyldy

PAVLODAR. QazAqparat - Pavlodar qalasyndaǵy № 11-mekteptiń muraǵatynda kadrlyq aýys-túıister, qatysýshylardyń statıstıkasy, oqytýshylardyń jumystan shyǵarylýy, qabyldanýy, tártiptik jazalarǵa tartylýy týraly buıryqtar qamtylǵan 1941-1945 jyldarǵy jýrnal tabyldy, dep habarlaıdy «QazAqparat» HAA tilshisi.

Mysalǵa, 1944 jyly kelesi jazba jasalǵan: «18/XI aıyndaǵy №16 buıryq. Ádebıet pániniń muǵalimi  Ýshakova N.V.-nyń jumystan dáleldi sebepsiz shyǵýyna baılanysty is sot organdaryna tapsyrylsyn. 20/II 44 j. bastap 8-9-10 synyptarǵa ádebıet pániniń muǵalimi bolyp Grafov Agrıppın Semenovıch taǵaıyndalsyn. Dırektor». 

Sondaı-aq, 1943 jyldyń 7 sáýirinde shyqqan mynadaı qatań buıryq bar: «1. Ózim anyqtaǵandaı, 6/IV-43 jyly eden jýýshy Shadrına sharýashylyq bólimi meńgerýshisiniń ruqsatynsyz saraıdan partanyń betki qabatyn alyp, keskilep, páterin jylytý úshin paıdalanǵan. 2. Mektep múlki - partanyń betki bóligin buzǵany úshin azamatsha Shadrına 8/IV-43 jyldan bastap jumystan shyǵarylsyn. 3. Eden jýýshylar Mırogorodskaıa V.I. men Kýtýrgına P.F-tyń nazaryna mekteptiń sharýashylyq múlkin otyn retinde qoldanǵany, sondaı-aq sharýashylyq bólimi meńgerýshisiniń ruqsatynsyz otyndy paıdalanǵany úshin, olardy Joǵarǵy Keńes Prezıdıýmynyń 1940 jyldyń 10 tamyzyndaǵy Jarlyǵyna sáıkes jaýapkershilikke tartatynym jetkizilsin. Dırektor».



Otan soǵysy ýaqytyndaǵy №11-mektep dırektorynyń buıryqtary jazylǵan jýrnal jiti zerdelenip, mektep murajaıyna qoıylatyn bolady.