Pavlodarda mototsıklshi elektr baǵanyna soǵylyp, mert boldy

PAVLODAR. KAZINFORM — Polıtsııa kisi ólimine soqtyrǵan jol-kólik oqıǵasy boıynsha qylmystyq is qozǵalǵanyn habarlady.

Pavlodar oblysynyń Pavlodarskoe aýylynda mototsıkl tizgindegen er adam joǵary kerneýli elektr baǵanyna soǵylǵan. Júrgizýshi oqıǵa ornynda kóz jumdy.

— Pavlodarskoe aýylynda bolǵan jol-kólik oqıǵasy deregi boıynsha polıtsııa qylmystyq is qozǵady. Júrgizýshi motokólikti basqaryp kele jatyp, joǵary kerneýli elektr baǵanasyna soǵylǵan. Alǵan jaraqattarynan ol oqıǵa ornynda kóz jumdy. Oqıǵa ornynda polıtsııa qyzmetkerleri jumys istep jatyr, — dep málimdedi óńirlik polıtsııa departamentiniń baspasóz qyzmetinen.

Tártip saqshylary mundaı qaıǵyly jaǵdaılardyń aldyn alý úshin jol qozǵalysyna qatysýshylarǵa jyldamdyq rejımin saqtaý, ásirese, kólik qozǵalysy qarqyndy ýchaskelerde abaı bolý jáne kólik quraldarynyń tehnıkalyq jaǵdaıyn baqylaý qajettigin eskertedi.

Eske sala keteıik, Astana-Pavlodar avtojolynda jol apatynan 5 adam zardap shekti.