Pavlodarda monopolıst ártúrli tarıfterdi qoldanyp, zań buzǵan
PAVLODAR. KAZINFORM - QR Básekelestikti qorǵaý jáne damytý agenttiginiń Pavlodar oblysy boıynsha departamenti Aqsý qalasy aýmaǵynda turmystyq qatty qaldyqtardy kómý qyzmetteri naryǵyna júrgizilgen taldaý barysynda «Aqsý-Polıgon» JShS tarapynan jasalǵan zańbuzýshylyqtardy anyqtady.
Taldaý nátıjesinde kásiporynnyń Aqsý qalasyndaǵy atalǵan naryqta 100 paıyzdyq úlespen monopolııalyq jaǵdaıǵa ıe ekeni belgili boldy.
Departamenttiń málimetinshe, seriktestik obektıvti negizdelgen sebeptersiz birdeı talaptardaǵy kelisimsharttar boıynsha kontragentterge ártúrli tarıfter qoldanǵan.
— Osyǵan baılanysty kásiporynǵa anyqtalǵan zańbuzýshylyqtardy joıý týraly habarlama joldandy. Habarlama talaptaryn oryndaý nátıjesinde «Aqsý-Polıgon» JShS naryqtaǵy barlyq kontragentter úshin teń jaǵdaılardy qamtamasyz etetin qosymsha kelisimder jasasty, — dep habarlady QR Básekelestikti qorǵaý jáne damytý agenttiginiń Pavlodar oblysy boıynsha departamentinen.
Eske sala keteıik, Pavlodarda tamyz aıynan bastap aýyzsý tarıfi ózgeredi.
