Pavlodarda meıramhananyń janynda eki adamdy kólik qaǵyp ketti
PAVLODAR. QazAqparat - Pavlodarda meıramhananyń janynda eki adamdy kólik qaǵyp ketti. Vıdeony kýágerler áleýmettik jelide jarııalady, dep habarlaıdy Pavlodarnews.kz.
Instagram jelisindegi tipavlo-da paraqshasynda jedel járdem jáne patrýldik polıtsııa kólikteri túsirilgen vıdeo paıda boldy.
- Omby tas jolynda, «Djýchı» meıramhanasynyń janyndaǵy ótkelde 2 jaıaý júrginshini qaǵyp ketti, - delingen vıdeoda.Oblystyq densaýlyq saqtaý basqarmasynda zardap shekkenderdi jedel járdemmen №1 qalalyq aýrýhanaǵa jetkizgenin habarlady.
- Olarǵa aıaq-qoldardyń synýy dıagnozy qoıylǵan, biraq shok almaǵan, esterin biledi, - delingen habarlamada.Zardap shekkender barlyq qajetti emdi alady.
