Pavlodarda meıramhana úshin 46 aǵash kesilip, 219-y jańadan otyrǵyzyldy
PAVLODAR. QazAqparat - Pavlodardyń Shókın kóshesi men Nazarbaev dańǵylynyń qıylysynda 80 oryndyq jyldam tamaqtaný meıramhanasy salynady, dep habarlaıdy QazAqparat pavlodarnews.kz saıtyna silteme jasap.
Investor KFC meıramhanasynyń qurylysyn úsh aıda aıaqtap, qarasha aıynda iske qosýdy josparlap otyr.
«Osy jer ýchaskesinde 53-ke jýyq arzan baǵaly aǵash bar. Jalpy bul qalaǵa qosymsha ınvestıtsııa tartý, tamaqtaný salasyn uıymdastyrý, barlyq sáýlet, qala qurylysy jáne jer normalaryna sáıkes keledi», - dedi Pavlodar ákiminiń orynbasary Ermurat Nurhanov.
«Beregınıa-bıo» qoǵamdyq birlestiginiń sarapshy-bıology Tatıana Ponomarevanyń aqparatyna súıensek, tikeleı qurylys ýchaskesinde ornalasqan jáne tolyq kesýge jatatyn barlyq aǵashtardyń jaǵdaıy jaqsy. Shókın kóshesi boıyndaǵy alty aǵash qana qalady.
«Bul aǵashtar qurylysqa kedergi keltirgen joq. Biraq men olardy alyp tastaýdy jáne olardyń ornyna jaqsy aǵashtardy otyrǵyzýdy ótindim. Qurylys aýmaǵyndaǵy barlyq aǵashtar ómirsheń jaǵdaıda jáne ónimdi jasta, aýadaǵy qaldyqtardy jaqsy sińiredi jáne ottegi bóledi. Degenmen, olar qara terek, shaǵalaly úıeńki, qaraǵash sııaqty tómen tuqymdy aǵashtarǵa jatady. Shaǵalaly úıeńki estetıkalyq turǵyda eskirgen bolyp sanalatyndyqtan, ekologtar ony tek qala syrtyna, aramshóp retinde otyrǵyzýdy usynatyn bolady», - dep atap ótti Tatıana Ponomareva.
Onyń pikirinshe, KFC meıramhanasynyń qurylysy Pavlodar úshin tek tıimdi bolmaq.
«Ótemaqy túrinde 219 aǵash otyrǵyzyldy, bul pıramıda túrindegi kúmis terek. Ol tez sińip, jaqsy ósim beredi. Jyl boıy qajetti kútim jasasa, mundaı aǵash bir metrden artyq ósedi», - dedi sarapshy-bıolog. 
«Trend group LTD» JShS-nyń basshysy Qýanysh Qabıdenovtyń aıtýynsha, úshjyldyq aǵashtar Óskemennen ákelingen.
«Búgin kesilgen 45 aǵashtyń ornyna 219 aǵash otyrǵyzýdy aıaqtadyq. Shókın kóshesiniń boıynda 164 aǵash jáne Nazarbaev dańǵylynyń boıynda 55 aǵash otyrǵyzyldy. Biz PMÝ-men sýmen qamtamasyz etýdi sozdyq jáne kún saıyn sýaramyz», - dep málim etti ınvestor.
Aıta ketý kerek, alty sotyq jer ýchaskesi ótken jyldyń 28 tamyzynda aýktsıonda 2 mln 121 myń 200 teńgege satylǵan. Jobanyń quny 1 mln AQSh dollaryn quraıdy. 80 oryndyq nysanda 35 jumys orny ashylady, olardyń 70% stýdentter quramaq.
