Pavlodarda merekege oraı kópbalaly analarǵa birjolǵy tólem jasaldy

PAVLODAR. KAZINFORM -Ertis-Baıan óńirindegi áleýmettik kómek alatyn kópbalaly analar Halyqaralyq áıelder kúni qarsańynda birjolǵy aqshalaı tólemge ıe boldy. Jalpy sany 500-den astam ana qamtylǵan.

Óńirlik jumyspen qamtýdy úılestirý jáne áleýmettik baǵdarlamalar basqarmasynyń málimetinshe, Halyqaralyq áıelder kúnine oraı ataýly áleýmettik kómek alýshylar qataryndaǵy kópbalaly analarǵa birjolǵy áleýmettik tólemder jasaldy.

– Tólem oblystaǵy qalalar men aýdandardaǵy jergilikti ókildi organdardyń sheshimi negizinde júrgizilgen. Birjolǵy áleýmettik kómektiń mólsheri 5 aılyq eseptik kórsetkishti quraıdy. Bıyl onyń kólemi 21 625 teńge boldy, – dep habarlady basqarmadan.

Oblys boıynsha ataýly áleýmettik kómek alýshylardyń ishinen 500-den astam kópbalaly ana atalǵan qoldaýǵa ıe bolǵan.

Eske sala keteıik, 8 naýryz merekesine oraı Prezıdenttiń atynan memlekettik nagrada tabystaldy.