Pavlodarda «Men qazaqpyn» mega jobasynyń jeńimpazdary anyqtaldy
ASTANA. QazAqparat - Respýblıkalyq "Men qazaqpyn" televızııalyq mega jobasynyń oblystyq kezeńine 35 ónerpaz qatysty, dep xabarlaıdy pavlodarnews.kz.
Baıqaýdyń ashylý saltanaty Pavlodar qalasyndaǵy ortalyq alańnyń tómengi jaǵalaýynda boldy. Sondaı-aq, munda jınalǵan jurtqa jergilikti qolóner sheberleri men zergerlerdiń kórmesi de usynyldy. Al, baıqaýdyń qatysýshylary óz ónerlerin "Shańyraq" xalyq shyǵarmashylyǵy ortalyǵynda kórsetti. Jeńimpazlardy Qazaqstanǵa tanymal dástúrli ánshi Erlan Rysqalı bastaǵan qazylar alqasy anyqtady.
«Televızııalyq jobanyń oblystyq irikteý kezeńine dástúrli ánshiler, termeshiler jáne kúıshiler qatysty. Qorytyndysy boıynsha ánshilerden Nurbolat Ábilxan, termeshilerden Nurjan Sarqambaev, kúıshilerden Bekzat Sábıxanov jeńimpaz boldy. Endi olar ulttyq televızııalyq jobanyń respýblıkalyq kezeńinde óner kórsetip, oblys namysyn qorǵaıdy, - deıdi» - «Shańyraq» ortalyǵynyń mamandary.
Jeńimpazdardy marapattaý rásimine oblys ákiminiń orynbasary Meıram Begentaev qatysyp, respýblıkalyq kezeńnen jeńis tiledi.
