Pavlodarda memlekettik sáýlet-qurylys baqylaý basqarmasyna jańa basshy taǵaıyndaldy

PAVLODAR. KAZINFORM — Pavlodar oblysynyń memlekettik sáýlet-qurylys baqylaý basqarmasynyń basshysy bolyp Qazbek Arantaev taǵaıyndaldy. 

Qazbek Orazuly 1979 jyly týǵan, joǵary bilimdi. 2001 jyly Pavlodar memlekettik ýnıversıtetin «Ónerkásiptik jáne azamattyq qurylys» mamandyǵy boıynsha aıaqtaǵan.

2005 jyldan 2023 jylǵa deıin qurylys jáne kommýnaldyq sharýashylyq salasyndaǵy memlekettik emes uıymdarda basshylyq qyzmetter atqardy.

2023-2024 jyldary Pavlodar qalasynyń turǵyn úı ınspektsııasy jáne kommýnaldyq sharýashylyq bólimi basshysy bolyp eńbek etti.

2024 jyldan osy laýazymǵa taǵaıyndalǵanǵa deıin Pavlodar qalasynyń qurylys bóliminiń basshysy qyzmetin atqarǵan.

Eske sala keteıik, buǵan deıin Memleket basshysynyń Jarlyǵymen Ásel Jubanyshqyzy Janasova Qazaqstan Respýblıkasy Prezıdentiniń ákimshiligi basshysynyń orynbasary bolyp taǵaıyndaldy. Ol 2022-2025 jyldar «Qazposhta» AQ basqarma tóraǵasy laýazymyn atqaryp kelgen.