Pavlodarda memlekettik satyp alý talaptaryn buzǵan 19 laýazymdy tulǵa jazalandy
PAVLODAR. KAZINFORM — Tapsyrys berýshiler «Memlekettik satyp alý týraly» zańnyń qaǵıdalaryn júıeli túrde buzyp kelgen.
Pavlodar prokýrorlary memlekettik satyp alý sharttarynda jetkizýshilerdiń jaýapkershilikten jaltarýyna múmkindik beretin áretter jasaǵany úshin birqatar mekeme men kásiporyndardyń basshylaryn jaýapkershilikke tartty.
— Talaptarǵa sáıkes tapsyrys berýshiler 30 kún ishinde jetkizýshini memlekettik satyp alýdyń adal emes qatysýshysy dep taný týraly talap aryzben sotqa júginýge mindetti. Alaıda, taldaý kórsetkendeı, memlekettik mekemeler men kásiporyndar bul merzimderdi birneshe ret elemegen. Mundaı áreketsizdik adal emes jetkizýshilerdiń jaýapkershilikten jaltarýyna múmkindik beredi. Tipti olar shart talaptaryn oryndamasa da jazadan qutylady. Zańda mundaı zań buzǵany úshin laýazymdy tulǵalardyń ákimshilik jaýaptylyǵy tikeleı kózdelgen, — dep habarlady óńirlik prokýratýradan.
Mysaly, sot «KAZ SERVICE PVL» JShS-ne qatysty «Aqsý qalasynyń mektep-lıtseıi» KMM-niń talap aryzyn zańda belgilengen merzimdi ótkizip alýyna baılanysty qanaǵattandyrýdan bas tartqan. Mekeme seriktestik tarapynan mindettemelerdiń buzylǵanyn 2024 jylǵy tamyz aıynda bilgen. Alaıda talap tek bes aı ótken soń berilgen.
Prokýratýranyń engizgen usynýy negizinde Іshki memlekettik aýdıt departamenti mektep dırektoryn ákimshilik jaýapkershilikke tartyp, aıyppul saldy.
Barlyǵy osyndaı quqyq buzýǵa jol bergen 19 laýazymdy tulǵa jaýapkershilikke tartylǵan.
Eske sala keteıik, prokýratýra balalar ortalyǵy tárbıelenýshisine 1,1 mln teńge alıment óndirip berdi.