Pavlodarda memlekettik qupııa málimetterdi jınaǵan kolonııanyń burynǵy basshysy sottaldy

PAVLODAR. KAZINFORM — № 45 mekemeniń burynǵy basshysyna qatysty qylmystyq is jabyq rejımde ótti. Іstiń jaı-japsary ashyq aıtylmaıdy.

Pavlodar soty 40 jastaǵy ádilet polkovnıginiń qylmystyq isin qarady. «Qupııa» belgisi boıynsha qaralǵan istiń egjeı-tegjeıli málimetteri jarııa etilmedi.

Kolonııanyń burynǵy basshysyna QR Qylmystyq kodeksiniń 362-baby, 3-bóligi, 4-tarmaǵy (Laýazymdy adamnyń óziniń quqyqtary men ókilettikteriniń sheginen anyq shyǵatyn jáne azamattardyń nemese uıymdardyń quqyqtary men zańdy múddelerine ne qoǵamnyń nemese memlekettiń zańmen qorǵalatyn múddelerine eleýli zııan keltirýge ákep soqqan áreketter jasaýy) jáne 185-baby, 2-bóligi (Memlekettik qupııalardy quraıtyn málimetterdi zańsyz jınaý) boıynsha aıyptar taǵylǵan.

— Qylmystyq kodekstiń 58-baby 3-bóligi negizinde qylmystyq quqyq buzýshylyqtardyń jıyntyǵy boıynsha onsha qatań emes jazany neǵurlym qatań jazaǵa sińirý jolymen 6 jyl 6 aı merzimge bas bostandyǵynan aıyrý jazasy túpkilikti taǵaıyndalsyn, - dep sot úkimin jarııa etti Pavlodar qalasyndaǵy qylmystyq ister jónindegi aýdanaralyq sotynyń sýdıasy Janar Turlybaeva.

Buǵan deıin pavlodarlyq podpolkovnık № 45 mekemede sottalýshyny uzaq ýaqyt bopsalap, para alyp kelgeni týraly jazǵanbyz.