Pavlodarda Memlekettik rámizder kúnine oraı 25 jasóspirimge jeke kýálik tabystaldy
Aıtýly sharamen jınalǵandardy oblys ákiminiń orynbasary Meıram Begentaev quttyqtady, dep habarlaıdy pavlodarnews.kz .
«Búgin elimiz Memlekettik rámizderdiń 25 jyldyǵyn toılap jatyr», - dedi Meıram Begentaev. - Memlekettik rámizder kez kelgen táýelsiz eldiń erekshe belgisi bolyp tabylady. Álemdegi eń ádemi Tý bizdiń elge tıesili ekeni maqtanysh sezimin týdyrady. Eń bastysy, bul belgilerge qurmetpen qaraý jáne saqtaı bilý barlyǵynan da mańyzdy».
Sondaı-aq búgin avtomotosherýge qatysqan azamattarǵa qurmet kórsetildi.
«Rıtm» jastar shyǵarmashylyq bóliminiń jetekshisi Ekaterına Vasılevanyń aıtýynsha, Gagarın saıabaǵynan bastaǵan avtosherý Kýtýzov, Toraıǵyrov, Sátbaev jáne Lermontov kóshelerinen júrip ótip, Aýǵanshylar saıabaǵyna kelgen. - Barlyǵy 20 temir tulpar men 10 mototsıkl qatysty. Mercedes, zx, BMW, VW, Camry, Drive2, Honda, Nissan maxima klýbtarynyń baıkerleri men pavlodarlyq sportshylar ózderiniń kólikterimen keldi, - deıdi Ekaterına Vasıleva.
Aıta keterligi, Memlekettik rámizderdiń 25 jyldyq mereıtoıyna oraı alǵashqy bolyp pavlodarlyq polıtseıler memlekettik rámizder alańynda patrýldik avtomobılderdiń túngi sherýin uıymdastyrdy.
