Pavlodarda «Memlekettik qyzmet alý úshin – tramvaıǵa kel» aktsııasy bastaldy
Oblys ákimdiginiń baspasóz qyzmetiniń málimdeýinshe, «Memlekettik qyzmet alý úshin – tramvaıǵa kel» aktsııasynyń bastamashylary - Pavlodar oblysy ákiminiń apparaty, «Pavlodar qalasynyń tramvaı basqarmasy» AQ, sondaı-aq «Azamattarǵa arnalǵan úkimet» memlekettik korporatsııasynyń oblystyq fılıaly.
«Vagonda kórsetiletin qyzmetti alýshylarǵa arnalǵan tıisti syrtqy jarnama, al vagonnyń ishinde búktemeler, kitapshalar, jadnamalar ornalastyrylǵan», - dedi baspasóz qyzmetinde.
Odan basqa, tramvaı salonyndaǵy teledıdarda Egov portalynda jumys isteý boıynsha kórneki konsýltatsııalar men beınerolıkter kórsetiledi. Qajet bolǵan jaǵdaıda, jolaýshylar birjolǵy SMS qupııa sóz arqyly 44 áleýmettik mańyzy bar memlekettik qyzmetti alý úshin vagonda «Elektrondy úkimettiń» mobıldi azamattar bazasynda tirkeýden óte alady.
«Memlekettik qyzmet alý úshin – tramvaıǵa kel» aktsııasy búgin, 12 tamyzda saǵat 10:15-te bastaldy. Arnaıy vagon Soltústik ónerkásip aımaǵy, 258 mekenjaıy boıynsha ornalasqan tramvaı deposynan júredi. Sondaı-aq, oqytý aktsııasy sheńberinde Egov portalynyń Telegram-boty kórsetiledi. Onyń kómegimen messendjer paıdalanýshylary túrli anyqtamalar alyp, medıtsınalyq uıymǵa tirkelip, HQKO-ǵa kezekke tura alady. Atalǵan aktsııanyń arqasynda mamandar «Elektrondyq úkimet» portalynda elektrondyq memlekettik qyzmetterdi alýdyń qoljetimdiligi men qarapaıymdylyǵyn kórsete alady.
«Sebebi, búgingi kúni qandaı da bir anyqtamany halyqqa qyzmet kórsetý ortalyǵynda alý úshin kezekte turýdyń qajettiligi joq. Egov arqyly lıtsenzııany resimdeý úshin tek JSN qajet (barlyq qalǵan derekterdi avtomatty suraýlardyń kómegimen alady). Kommýnaldyq qyzmetter men aıyppuldardy onlaın tóleýge bolady, bıznesti derbes tirkep, balanyń balabaqshadaǵy kezegin kez kelgen ýaqytta bilýge bolady», - dedi ákimdikte.
