Pavlodarda memleketaralyq izdeýde júrgen shetel azamaty ustaldy

PAVLODAR. KAZINFORM — «Mıgrant» jedel-aldyn alý is-sharasy barysynda ónerkásiptik obektilerdiń birinde asa iri mólsherde alaıaqtyq jasaǵan, memleketaralyq izdeýde júrgen shet memlekettiń azamaty ustaldy.

— Qazirgi ýaqytta ustalǵan adam ýaqytsha qamaýda ustaý ızolıatorynda. Ony izdestirýge bastamashy bolǵan elge ekstradıtsııalaýdy resimdeý boıynsha jumys júrgizilýde — dep habarlady óńirlik polıtsııa departamentinen.

«Mıgrant» jedel-aldyn alý is-sharasynyń alǵashqy úsh kúninde polıtseıler 262 azamatty ákimshilik jaýapkershilikke tartqan. Onyń 175-i sheteldikter, 87-sii QR azamattary. 13 shetel azamaty shekaradan shyǵaryp jiberilgen. Sotqa 5 materıal azamattyq sot isin júrgizý tártibimen shyǵaryp jiberýge jiberildi.

Eske sala keteıik, Almatyda dinı ekstremıstik ádebıetterdi taratqan sheteldik ustaldy.