Pavlodarda mektepke «jarylǵysh zat qoıǵan» oqýshy ustaldy
«21 qyrkúıek kúni jedel izdestirý is-sharalary barysynda polıtsııa qyzmetkerleri Aqsý qalasy Pogranıchnık kentiniń Baýyrjan Momyshuly atyndaǵy orta mektebi oqýshysyn anyqtady. 14 jasar jasóspirim búgin saǵat 11:55-te terrorlyq akti týraly kórineý jalǵan habarlama túsirdi degen kúdikpen ustaldy. Onyń synyptastarymen bás tikkeni belgili boldy. Kinásin moıyndady. Osy fakti boıynsha QR Qylmystyq kodeksiniń 273-babymen sotqa deıingi tergeý bastaldy. Jasóspirim zańdy ókilderiniń kepilgerligimen jiberildi. Polıtsııa departamenti terrorlyq akti týraly kórineý jalǵan habarlama taratý jaýapkershiligi 14 jastan bastalatynyn eskertedi», - deıdi Pavlodar oblysy PD bastyǵynyń birinshi orynbasary Jasqaırat Qaıyrov.
Eske salsaq, búgin Pavlodarda «Akademık Shókın kóshesi, 27 úı mekenjaıynda ornalasqan Baýyrjan Momyshuly atyndaǵy jalpy orta mektebinde terrorıster bar» degen qońyraý túsken . Oqıǵa ornynan 1 048 oqýshy men 83 qyzmetker evakýatsııalandy. Jarylǵysh zat tabylǵan joq.
