Pavlodarda MAZ kranyn mas kúıinde aıdap ketken júrgizýshi ustaldy
Atalǵan kólik quraly polıtsııa qyzmetkerleriniń kólik quralyn toqtatý týraly zańdy talaptaryn elemeı, qozǵalysyn jalǵastyrdy. Birneshe apat jasap, saldarynan patrýldik polıtsııanyń tórt qyzmettik kóligi men Toyota Avalon zardap shekti.
Ol Kishi aınalma kóshesinde ustaldy, avtokólikti basqara almaı, kólikti aýdarǵan.
1999 jyly týǵan júrgizýshi - Pavlodar qalasynyń turǵyny. Medıtsınalyq kýálandyrý onyń mas kúıinde bolǵanyn rastady.
«Júrgizýshiniń kólikti urlaǵany anyqtaldy, júrgizýshi kýáligi bolmaǵan. QK 200-babynyń 3-bólimi boıynsha sotqa deıingi tergep-tekserý bastaldy. Bultartpaý sharasyn tańdaý máselesi sheshilýde.
Sonymen qatar ÁQBtK-niń 608 -baby 6-bólimi, 611-baby 2-bólimi, 613-baby 3-bóliminiń 1-tarmaǵy boıynsha ákimshilik is qozǵaldy, materıaldar sotta qaralady», - dep jazdy vedomstvodan.
Pavlodar oblysynyń PD qyzmettik avtokólikke keltirilgen materıaldyq zalaldy óteý týraly azamattyq tártipte sotqa júginýdi josparlap otyr.