Pavlodarda Maıra Shamsýtdınovanyń eskertkish-músini ornatyldy
PAVLODAR. QazAqparat - Pavlodar oblysynyń Ýsol shaǵyn aýdanynda ulttyq mýzyka óneriniń kórnekti ókili, belgili kompozıtor Maıra Shamsýtdınovanyń músini qoıyldy, dep habarlaıdy QazAqparat tilshisi.
Qolynda syrnaı aspabyn ustaǵan Maıra Shamsýtdınovanyń músini taza qoladan quıylǵan. Eskertkishtiń bıiktigi - 3,5 metr, al salmaǵy - 270 kg. Týyndynyń avtory belgili músinshi Azat Baıarlın boldy. Al jobaǵa tapsyrys bergen - Pavlodardyń qurmetti azamaty Qýat Esimhanov.
«Pavlodar ólkesin dúıim jurtqa tanytqan Maıra umyt bola bastady. Kezinde áıel adamdar sahnaǵa shyǵýdan jasqanǵan shaqta Maıra halyqqa alǵashqy bolyp ónerin pash etti. Ánshini bizdiń elden góri, batysta kóbirek tanyp jatady. Mundaı qateliktiń ornyn toltyrý kerek», - dedi metsenat.
Eskertkishtiń saltanatty ashylý rásimine Pavlodar oblysynyń ákimi Bolat Baqaýov, qalanyń qurmetti azamattary men Astana jáne Almaty qalalarynan kelgen qonaqtar qatysty.
