Pavlodarda mas jigit Ertisti júzip ótemin dep sýǵa kete jazdady
ASTANA. QazAqparat - Pavlodar qalasynyń qaıta qurylǵan sý polıtsııasy ekıpajy durys sheshim qabyldap, adamnyń ómirin saqtap qaldy, dep habarlaıdy QazAqparat tilshisi.
Oqys oqıǵa týraly Pavlodar oblystyq ІІD-niń áleýmettik jelidegi paraqshasynda jazylǵan.
«Іshki ister departamenti qyzmetkerleri polıtseılik katermen Ertis ózenin patrýldeý kezinde sýǵa batyp bara jatqan adamdy kóredi. Jaǵdaıdy jedel baǵalap, polıtseıler kómekke asyǵyp, 23 jastaǵy Pavlodar qalasynyń turǵynyn sýdan alyp shyqty. Mas kúıinde, kıimmen, arqasynda rıýkzagy bar er azamat múmkindigin eskermeı, Ertis ózeninen júzip ótpekshi bolǵan», - delingen habarlamada.
Týystary polıtseıler ekıpajynyń kómegine alǵystaryn bildirdi.
