Pavlodarda mas bolyp sýǵa túsken 30 jastaǵy jigit Ertis ózenine batyp ketti
PAVLODAR. QazAqparat - Pavlodar oblysynda súńgýirler sýǵa ketken 30 jastaǵy jigittiń denesin izdep jatyr, dep habarlaıdy QazAqparat.
Pavlodar oblystyq tótenshe jaǵdaılar departamentiniń baspasóz qyzmeti atap ótkendeı, 1991 jyly týǵan er adam Pavlodar aýylynan 1 shaqyrym jerde, Ertis ózeniniń bir salasynda sýǵa ketken.
Ol 8 tamyz kúni shamamen saǵat 18.00 kezinde sýǵa túsýge tyıym salynǵan jerde shomylyp júrip, ózenge batyp ketken.
Vedomstvonyń málimetine sensek, marqumnyń janynda dosy bolǵan. Ekeýi birge spırttik ishimdik ishken.
Qazirgi ýaqytta pavlodarlyq súńgýirler ózenniń túbinen jigittiń denesin izdep jatyr.
Osyǵan baılanysty oblys qutqarýshylary halyqty sýǵa túsýge tyıym salynǵan jerde shomylmaýǵa, sýda qaýipsizdik talaptaryn qatań saqtaýǵa shaqyrady.
