Pavlodarda mas adam trassadaǵy aǵylyp jatqan kóliktiń astyna túspek bolǵan
PAVLODAR. QazAqparat – Aıyqtyrǵyshqa jetkizilgen mas er adam óz áreketin túsindirip bere almady, dep habarlaıdy QazAqparat.
«26 qańtarda Pavlodar qalasynyń polıtsııasyna Kenjekól aýylynyń janynda mas er adamnyń jolda ótip bara jatqan kólikterdi astyna túspek bolyp jatqany týraly habarlama kelip tústi», - dep baıandady Pavlodar oblystyq polıtsııa departamenti jergilikti polıtsııa qyzmeti basqarmasynyń bastyǵy Ǵalym Sarǵulov.
Onyń aıtýynsha, oqıǵa ornyna kelip jetken polıtsııa qyzmetkerleri er adamnyń joldaǵy kólikterdiń aldynan qarsy júgirip shyqqanyn, olardyń qozǵalysyna kedergi keltirip, óziniń, ózgelerdiń ómirin qaterge tikkenin kórgen.
«Er adam ýaqytsha beıimdeý jáne detoksıkatsııa ortalyǵyna jetkizildi. Munda ótkizilgen medıtsınalyq tekserý azamattyń ortasha deńgeıde ishimdikke mas bolǵanyn kórsetti», - dep atap ótti polıtsııa departamentinen.
Er adamǵa qatysty ákimshilik óndiris qozǵaldy. Jyl basynan beri polıtseıler qoǵamdyq oryndarda mas kúıde júrgen 220 adamdy anyqtady.
