Pavlodarda mas adam polıtseıge shabýyl jasaǵan
PAVLODAR. QazAqparat –Pavlodarlyq mas turǵyn polıtsııa qyzmetkerine shabýyl jasaǵany úshin ustaldy, dep habarlaıdy QazAqparat pavlodarnews.kz-ke silteme jasap.
Atalmysh faktini Pavlodar oblysy polıtsııa departamenti bastyǵynyń orynbasary, polıtsııa polkovnıgi Farhad Omarov rastady.
« 6 maýsym kúni saǵat 19:45-te Lermontov kóshesi, 96-úıdiń ákimshilik ýchaskesin patrýldeý kezinde Pavlodar qalasy ІІB ýchaskelik polıtsııa ınspektory polıtsııa kapıtany Tókebaev 1989 jyly týǵan K. esimdi azamatty baıqap qalady. Odan alkogoldiń ıisi shyǵyp turǵan. Er adamnyń janynda áıeli men kishkentaı bala boldy. Polıtsııa qyzmetkeriniń úıge kir degen eskertýin er adam qulaǵyna da qystyrmaǵan. Kerisinshe polıtsııany balaǵattap, qarsylyq kórsetken. Ony birneshe jerden jaraqattaǵan. K. polıtsııa qyzmetkeriniń formasy men beınejetonyn zaqymdady», - dep túsindirdi Farhad Omarov.
Ol sondaı-aq Qazaqstan Respýblıkasy QK-niń 380-baby 1-bóligi boıynsha sotqa deıingi tergep-tekserý bastalǵanyn habarlady. Sot-medıtsınalyq saraptama taǵaıyndaldy. Er adam ustaldy, tergeý amaldary júrgizilýde.