Pavlodarda mal ósirýshilerge jemdik astyq qaryzǵa berilip jatyr
PAVLODAR. KAZINFORM - Mal ósirýshilerge kómek kórsetýdiń óńirlik baǵdarlamasy ázirlendi. Sharýalar azyqtyń qunyn eshbir ósimpulsyz, kúzde óteıdi.
Buǵan deıin Pavlodarda jaıylymdar muz qursanyp, jylqy tebinge shyǵa almaı jatqany týraly habarlaǵan edik. Jaıylymdardyń jekelegen ýchaskelerin muz basyp qalýy ózge úı janýarlary úshin de qıyndyq týǵyzyp otyr.
«Osyǵan baılanysty, Pavlodar oblysynyń ákimi Asaıyn Baıhanovtyń tapsyrmasymen «Pavlodar «ÁKK» AQ arqyly jemdik astyqty taýarlyq nesıe retinde berý boıynsha mal ósirýshilerge kómek kórsetýdiń óńirlik baǵdarlamasy ázirlendi. Ony 2024 jyldyń 1 qarashasyna deıingi merzimde aqshalaı qarajatpen nemese sol sapada alynǵan astyqtyń birdeı kólemimen óteýge bolady. Taýarlyq nesıe kepilsiz jáne syıaqy (paıyz) eseptelmeı beriletin bolady», - dep habarlady oblys ákiminiń baspasóz qyzmetinen.
Turǵyndar jemdik astyq alý úshin aýyl sharýashylyǵy janýarlaryn birdeılendirý bazasynan úzindi kóshirmeni usynsa jetip jatyr. Al sharýa jáne fermerlik qojalyqtarynyń basshylary nesıeni qaıtarý týraly notarıaldy kýálandyrylǵan kepildik jazyp qaldyrýy kerek.
Nesıe alý úshin aýdan ákimdikterine júginý qajet.
