Pavlodarda London Olımpıadasynyń júldegerine páter kilti tabystaldy
ASTANA. QazAqparat - Pavlodar oblysynyń ákimi Ábilqaıyr Sqaqov London olımpıadasynyń júldegeri Dáýlet Shabanbaıǵa páter kiltin tabys etti, dep habarlaıdy oblystyq ákimdiktiń baspasóz qyzmeti.
Dáýlet Shabanbaı – Azııa chempıonatynyń tórt dúrkin (2008, 2009, 2011, 2014) qola jáne Azııa oıyndarynyń kúmis júldegeri. Bıyl qyrkúıek aıynda dopıngke qarsy tekserister jáne Grýzııa men Ózbekstan sportshylary nátıjeleri esepke alynbaǵanynan keıin jerlesimiz Londonǵy 2012 jylǵy Olımpıadanyń qola júldegeri atandy. Sportshy mansabyn aıaqtaǵannan soń palýan jattyqtyrýshy bolmaq.
«Basty maqsat – jastarǵa tájirıbem men eńbeksúıgishtik qasıetterdi jetkize bilý. Eńbek bárin de jeńbek. Qazaqstan sportynyń týy bıikte jelbireı bersin», – dedi Dáýlet Shabanbaı.
Óńir basshysy Olımpıada júldegeriniń sportty damytýdaǵy eńbegin joǵary baǵalap, Pavlodardaǵy bir bólmeli páter kiltterin tabystady.
«Oblys turǵyndary sizdiń jetistigińizben maqtanady. Óskeleń urpaq úshin úlgisiz. Jıǵan tájirıbeńiz ben sheberligińizdi jas sportshylarǵa daryta bilýge kerek. Shyn júrekten, isińizge sáttilik tileımin», – dedi Ábilqaıyr Sqaqov.
