Pavlodarda Lexus markaly kólikterdiń aınasyn urlap kelgen kúdikti ustaldy
QR Іshki ister mınıstrliginiń resmı ókili Nurdildá Oraz vedomstvonyń baspasóz mslıhatynda máosyndaı málimet berdi.
«Pavlodarlyq polıtsııa qyzmetkerleri avtouryny ustady. Alǵashqy aryz polıtsııaǵa 16 qyrkúıekte túsken bolatyn. Lexus markaly kóliktiń ıesi avtomobılin túnde úı aýlasyna qańtaryp qoıǵan kezde qos qaptaldaǵy aınalary urlanǵanyn aıtqan. Birneshe kún ishinde taǵy 5 adamnan osyndaı aryz túsken. Kúdikti ustaldy. Ol óńirdgi zaýyttardyń birinde jumys isteıtin 30 jastaǵy jergilikti turǵyn bolyp shyqty», - deıdi ІІM ókili.
Onyń aıtýyna qaraǵanda, kúdikti negizinen Lexus markaly kólikterdiń qaptaldaǵy aınalaryn urlap otyrǵan.
«Urlanǵan aınalardy úıiniń jertólesinde tyǵyp ustaǵan. Ár aınany qandaı kólikten sheship alǵanyn jazyp otyrǵan. Kúdiktiniń ózi de Lexus markaly kóliktiń ıesi ekenin belgili boldy. Saqshylar ustalǵan adam turyp jatqan úıdiń jertólesinen 7 jup aına tárkiledi. Mundaı urlyqtar kúzetilmeıtin oryndar men úı aýlalarynda jasalatynyn aıta ketý kerek. Osyǵan baılanysty Іshki ister mınıstrligi kólik urylarynyń qurbany bolmaý úshin avtomobılge dybysty dabyl ornatyp, kólikti kúzetiletin turaqtarda qaldyrý kerektigin, mashına ishinde baǵaly zattar qaldyrýǵa bolmaıtynyn eske salady», - dedi Nurdildá Oraz.