Pavlodarda lazerlik jaıaý júrginshi jolaqtary paıda bolady
PAVLODAR. QazAqparat – Pavlodar oblystyq polıtsııa departamenti jol qozǵalysy qaýipsizdigin qamtamasyz etý boıynsha birqatar sharalar qoldanyp jatyr, dep habarlaıdy QazAqparat Pavlodar oblystyq polıtsııa departamentiniń baspasóz qyzmetine silteme jasap.
Polıtseıler kóshelerde, joldarda tekserý júrgizip, sonyń nátıjesinde ózgerister engizedi, basqa elderdiń tájirıbesi qoldanylady.
«Pavlodar qalasyndaǵy Torgovaıa-Kosmonavty, Gagarın-Vorýshın, Vorýshın-Tsıolkovskıı, Aqsý qalasyndaǵy Qamzın-Jeltoqsan kósheleriniń qıylysynda jol qozǵalysyn baǵdarsham retteıdi. i. Pavlodar alıýmınıı zaýyty aýdanynda 19-shy tasjolda jaıaý júrginshini shaqyrý qurylǵysy ornatyldy», - delingen habarlamada.
Sondaı-aq, Polıtsııa departamentiniń usynysy boıynsha keptelisti azaıtaý maqsatynda qaladaǵy birqatar kóshelerde ekijaqty qozǵalys uıymdastyryldy.
Qazirgi ýaqytta Pavlodar qalalyq ákimdigimen birge jol qozǵalysy qaýipsizdigin qamtamasyz etýde jańa tehnologııalar (lazerlik jaıaý júrginshi jolaqtary) engizý máselesi talqylanyp jatyr.
Balalardy jol-kólik oqıǵasynan saqtaý maqsatynda atalǵan taqyrypta 40 bılbord, banner ornatyldy. Oblys ortalyǵynyń túrli bóliginde ornalasqan LED-ekrandarda jolda qaýipsizdik erejesin saqtaý týraly vıdeotaspalar kórsetilip jatyr.
