Pavlodarda lańkestikke qarsy oqý-jattyǵý ótip jatyr
PAVLODAR. QazAqparat - Pavlodarda terrorlyq aktilerdiń aldyn alýǵa jáne onyń saldaryn joıýǵa baǵyttalǵan josparly lańkestikke qarsy oqý-jattyǵý ótip jatyr, dep habarlady «QazAqparat» HAA tilshisi.
Pavlodardaǵy jattyǵý, josparly sıpatta, - dep habarlady terrorızmmen kúres óńirlik jedel shtabqa silteme jasap Pavlodar oblysy ІІD baspasóz qyzmetinde.
«Áńgime túrli kedergilermen jaýyngerlik jaǵdaıǵa barynsha jaqyn oqý-jattyǵý jaıynda. Onyń maqsaty - Terrorızmmen kúres jedel shtabynyń kúshteri men quraldarynyń olarǵa júktelgen mindetterin oryndaýǵa ázirligin tekserý», - dep atap ótedi habarlamada.
Polıtsııa Pavlodar qonaqtary men turǵyndarynan ýaqytsha jaısyzdyqqa túsinistikpen qaraýdy, tynyshtyqty saqtaýdy jáne resmı aqparatty ǵana basshylyqqa alýdy suraıdy. Sondaı-aq kórineý jalǵan aqparat taratý qylmystyq jaýapkershilikke soqtyratyndyǵyn eskertedi.
