Pavlodarda qyzmetin asyra paıdalanǵan polıtseıdi 10 jyl bas bostandyǵynan aıyrý jazasy kútip tur
Sotqa deıingi tergeý amaldary 3 tamyz kúni «Araı» saýda úıinde tóbeles bolyp jatyr degen shaqyrtý boıynsha barǵan Pavlodar jol-patrýl polıtsııasy qyzmetkeriniń oqıǵa ornynda qyzmettik laýazymyn asyra paıdalanǵanyn anyqtady. Pavlodar oblystyq prokýratýrasy málim etkendeı, ol saýda úıine kelýshilerge arnaıy quraldardy paıdalana otyryp kúsh kórsetken.
«Jergilikti polıtsııa qyzmetiniń qyzmetkeri men onyń áriptesteri oqıǵa ornyna kelgen kezde ol jerde tek sózben qaqtyǵysý bolǵan», - dedi prokýratýra qyzmetkerleri. Kúdiktiniń áreketi 362-bap 4-bólim 1 jáne 2 tarmaqtarda kózdelgen «Bılikti nemese laýazymdyq ókilettikterdi asyra paıdalaný» boıynsha qarastyrylyp otyr. Atalǵan bap boıynsha on jylǵa deıin bas bostandyǵynan aıyrý jazasy kózdelgen. Bul shaqyrtýǵa kelgen basqa polıtsııa qyzmetkerleri de qyzmetterinen bosatyldy.