Pavlodarda qyzdyń izinen ańdyp júrip kirpishpen urǵan jigit qamaýǵa alyndy

PAVLODAR. QazAqparat - Pavlodarda qyzdy kirpishpen urǵan er adam ustaldy, dep habarlaıdy QazAqparat Іshki ister mınıstrligine silteme jasap.

«Polıtsııa qyzmetkerleri kúdikti er adamdy ustady. Ol Pavlodar qalasynyń 27 jastaǵy turǵyny bolyp shyqty. Sotqa deıingi óndiristi júrgizý barysynda bul er adamnyń qyzdyń uıaly telefonyn tartyp alǵysy kelgeni anyqtaldy. Tergeý qaraqshylyq shabýyl faktisi boıynsha júrip jatyr. Kúdikti Pavlodar qalasynyń ýaqytsha ustaý ızolıatoryna qamaldy», – dep habarlady Pavlodar oblysy polıtsııa departamenti bastyǵynyń orynbasary Rashad Óteýov.

Esterińizge sala keteıik, 23 tamyzda Pavlodar qalasynyń ortalyq polıtsııa bólimine 20 jastaǵy pavlodarlyq qyz júgingen bolatyn.

Azamatsha 21 tamyzda saǵat 01:10-da úıdiń kireberisinde ózin kirpishpen urǵan belgisiz adamǵa shara qoldanýdy surady.

Osydan keıin jábirlenýshiniń kesh júginýine qaramastan jedel izdestirý sharalary barysynda polıtsııa kúdiktiniń aty-jónin anyqtady.