Pavlodarda qyzdar arasyndaǵy Ulttyq voleıbol lıgasynyń úshinshi kezeńi bastaldy
PAVLODAR. QazAqparat - Jeti kúnge sozylatyn týrnırde pavlodarlyq «Ertis-Qazhrom» chempıonat lıderi óskemendik «Altaı» komandasynan qalyp kele jatqan 8 upaıdy azaıtýǵa tyrysady. «Altyn» alýǵa laıyq qos komanda búgin 19 qańtarda kezdesedi, dep habarlaıdy «QazAqparat» HAA pavlodarnews.kz">pavlodarnews.kz saıtyna silteme jasap.
2017 jyly oınalǵan qos kezeńnen keıin Óskemendik komanda 40 upaı jınaǵan bolatyn. Pavlodar qyzdarynyń qorjynynda 32 upaı bar. Úshinshi orynda Taldyqorǵannyń «Jetisý» komandasy 30 upaımen tur.
Úshinshi kezeń 18 qańtarda bastaldy. Oıyndar «Baıantaý» sport kesheninde ótip jatyr.
Alǵashqy tartystarda týrnır kestesiniń myqtylary bir birine des bergen joq. «Altaı» klýby «Qaraǵandy» qyzdaryn jeńse, «Ertis-Qazhrom» teriskeıdiń «Qýanyshyn» artqa qaldyrdy. «Jetisý» qyzdary «Altaı-2» komandasynan basym tústi.
Mamandardyń aıtýynsha, búkil kezeńniń negizgi oıyny búgin keshke bastalady. Pavlodarlyqtar Óskemenniń qyzdaryn jeńý úshin bar kúshterin salmaq.
