Pavlodarda qylmystyq top memleketke 1 mlrd teńge zalal keltirgen

PAVLODAR. QazAqparat - Pavlodar oblysynda qylmystyq top memleketke 1 mlrd teńge zalal keltirgen, dep habarlaıdy QazAqparat.

Qarjylyq monıtorıng agenttiginiń Pavlodar oblysy boıynsha ekonomıkalyq tergeý departamenti «STOR-OBNAL» jedel sharasy sheńberinde naqty jumystardy oryndamaı, qyzmet kórsetpeı jáne taýarlardy jóneltpeı jalǵan shot-faktýra jazyp berý faktisin anyqtady.

Pavlodar oblysynda 2018-2019 jyldar aralyǵynda bir top tulǵa «ózara esep aıyrysý» týraly jalǵan býhgalterlik qujattardy jazyp berýmen aınalysqan.

Osylaısha, uıymdasqan qylmystyq top kontragent-kásiporyndarǵa salyq tóleýden jaltarýǵa kómektesip, nátıjesinde memleketke 1 mlrd. teńgege jýyq shyǵyn keltirildi.

Atalǵan fakt boıynsha sotqa deıingi tergeý isi bastaldy.

Onyń sheńberinde aıyptalýshylardyń basqa qylmystyq quqyq buzýshylyqtarǵa qatysty bar-joǵy tekserilip jatyr.