Pavlodarda kúzet fırmasynyń kóligi «Mersedespen» soqtyǵysty
PAVLODAR. QazAqparat - Pavlodardaǵy Toraıǵyrov pen Korolenko kósheleriniń qıylysynda bolǵan jol -kólik oqıǵasy saldarynan 26 jastaǵy er adam zardap shekti, dep habarlaıdy pavlodarnews.kz.
Oqys oqıǵanyń sýretteri Instagram-daǵy @tipavlo paraqshasynda jarııalandy. Oblystyq ІІD baspasóz qyzmetiniń málimdeýinshe, apat tańǵy saǵat 5:46-da bolǵan. - Qaladaǵy kúzet agenttikteriniń birine qarasty «Lada-Granta» markaly avtokóligi «Mersedes» avtomobılimen soqtyǵysqan. Jol-kólik oqıǵasynyń saldarynan «Lada-Granta» kóliginiń jolaýshysy emhanaǵa jetkizildi. Saraptama taǵaıyndaldy. Tekserý jumystary júrgizilýde, - dedi ІІD baspasóz qyzmetinde.
Óńirlik densaýlyq saqtaý basqarmasynyń habarlaýynsha, zardap shegýshiniń jaǵdaıy turaqty. - Emhanaǵa 1992 jylǵy er adam «jabyq bas súıek-mı zaqymy», «soǵylǵan bet jarasy» boıynsha emhanaǵa kelip tústi, - dedi basqarmanyń baspasóz hatshysy Elmıra Temirǵalıeva.
