Pavlodarda qurylys alańyndaǵy kótergish kran qulady
PAVLODAR. QazAqparat – Pavlodarda qurylys alańynda qulaǵan kótergish kran Lada Priora kóligin basyp qalǵan, dep habarlaıdy QazAqparat Pavlodarnews.kz-ke silteme jasap.
Oblystyq tótenshe jaǵdaılar departamentiniń málimetinshe, oqys oqıǵa keshe qalada bolǵan.
- Pavlodarda Estaı kóshesi men Bolnıchnyı tuıyq kóshesiniń qıylysynda jeke uıym qurylys jumystaryn júrgizý barysynda shynjyr tabandy kran elektr berý jelisine aýdaryldy, saldarynan 30-ǵa jýyq jeke turǵyn úı elektr jelisinen ajyratyldy, dep habarlady vedomstvonyń baspasóz qyzmeti.
Jóndeý-qalpyna keltirý jumystaryn «Qalalyq elektr jelileri kásiporny»JShS júrgizdi.
Qaza bolǵandar men zardap shekkender joq.
