Pavlodarda kún kúrt sýytyp, jańbyr sońy qarǵa ulasady
PAVLODAR. KAZINFORM — Tótenshe jaǵdaılar qyzmeti Ertis-Baıan óńiriniń aýmaǵynda 4-5 qazan kúnderi kún kúrt sýytyp, qar aralas jańbyr jaýatynyn eskertti. Keı jerlerde ekpini sekýndyna 30 metrge deıin jetetin daýyl turýy yqtımal.
Oblystyq tótenshe jaǵdaılar departamentiniń málimetinshe, 5 qazanda Pavlodar oblysynda jańbyr men qar aralas jaýyn-shashyn kútiledi. Kúndiz óńirdiń batysy men soltústiginde nóser jańbyr júrýi múmkin.
Aýa temperatýrasy da salqyndap, túnde 0-5 gradýsqa deıin tómendeıdi.
— 5 qazanda ońtústik-batystan soǵatyn jeldiń jyldamdyǵy sekýndyna 15-20 metrge deıin jetýi yqtımal. Oblystyń batysynda, soltústiginde jáne shyǵysynda ekpini 23-28 metr, keı ýaqytta sekýndyna 30 metr jáne odan da joǵary bolýy múmkin, — delingen departament habarlamasynda.
Eske sala keteıik, Atyraýda qar aralas jańbyr jaýýy múmkin.
