Pavlodarda qubyr jarylyp, sý asfalt betine shyqty

PAVLODAR. KAZINFORM — Kommýnaldyq kásiporyn qyzmetkerleri qazirgi ýaqytta aqaýdy joıý jumystaryn júrgizip jatyr.

Pavlodar qalasyndaǵy Qamzın men Tolstoı kósheleriniń qıylysynda asfalttyń astynan sý shyǵyp jatyr, jol jamylǵysy kóterilip ketken. Bul jaıaý júrginshiler men kólik quraldary úshin aıtarlyqtaı qaýip tóndirgen.

Turǵyndardyń aıtýynsha, mundaı másele bul aýmaqta birinshi ret týyndap otyrǵan joq. Kommýnaldyq apattar jıi bolyp turady. Alaıda Pavlodar qalasy ákimdigi tarapynan áli kúnge deıin keshendi sharalar qabyldanbaǵan.

— Atalǵan ýchaskedegi sý jelilerinde zaqymdaný anyqtaldy. Qazirgi ýaqytta «Vodokanal» JShS aqaýdy joıý jumystaryn júrgizip jatyr, - dep habarlady qalalyq ákimdikten.

Eske sala keteıik, Aqmola oblysynda bir kúnde eki qazandyq jaryldy.