Pavlodarda kishkentaı qyzǵa zorlyq kórsetken pedofıl 20 jylǵa sottaldy
ASTANA. KAZINFORM — Pavlodar oblysynda kámeletke tolmaǵan balaǵa qatysty seksýaldyq sıpattaǵy áreketter jasaǵany úshin aıyptalǵan azamat 20 jylǵa bas bostandyǵynan aıyryldy. Sondaı-aq ol ómir boıyna pedagogıkalyq qyzmetpen aınalysý jáne kámeletke tolmaǵandarmen jumys isteý quqyǵynan aıyryldy.
Qylmystyq isti Pavlodar oblysynyń qylmystyq ister jónindegi mamandandyrylǵan aýdanaralyq soty qarady. Sot otyrysy istiń mán-jaılary zań boıynsha jarııa etilmeýge tıis bolǵandyqtan, jabyq rejımde ótti.
Sot málimetinshe, oqıǵa 2020 jylǵy naýryzda bolǵan. Sottalýshy K. óz kinásin moıyndamaǵan. Alaıda onyń kinási jábirlenýshiniń, onyń zańdy ókiliniń jáne kýálardyń aıǵaqtarymen, sot saraptamalarynyń qorytyndylarymen, sondaı-aq sotta zerttelgen ózge de dáleldemelermen rastalǵan.
Sot K.-ny Qazaqstan Respýblıkasy Qylmystyq kodeksiniń 121-babynyń 4-bóligi boıynsha kináli dep tanydy.
— Úkimge sáıkes, sottalýshy ortasha qaýipsizdik mekemesinde 20 jyl jazasyn óteıdi. Budan bólek, Qylmystyq kodekstiń 50-babynyń 3-bóligi negizinde pedagogıkalyq laýazymdardy atqarý jáne kámeletke tolmaǵandarmen jumys isteýge baılanysty qyzmetpen aınalysý quqyǵynan ómir boıyna aıyryldy, — delingen habarlamada.
Aıta keteıik, úkim ázirge zańdy kúshine engen joq.
Buǵan deıin Aıjan Aımaǵanova zorlyq-zombylyqqa tosqaýyl qoıýdyń jańa tetigin usyndy.
