Pavlodarda kóterme-bólshek saýda dúkenindegi órt sóndirildi
PAVLODAR. QazAqparat - 13 jeltoqsanda saǵat 13.30-da 101 pýltine Pavlodardaǵy «Lastochka» kóterme-bólshek saýda dúkeninde, bes qabatty turǵyn úıge japsarlas bir qabatty ǵımaratta órt shyqqany týraly habarlama túsken. Bul týraly TJM resmı ókili Talǵat Ýálı málim etti, dep habarlaıdy QazAqparat.
Órt sóndirýshiler kelgen boıda azyq-túlik bóliminiń dúńgirshekteri, polıkarbonattan jasalǵan plastık shatyry janyp jatqany anyqtaldy.
Órt sóndirýshiler 70 adamdy, onyń ishinde 17 balany evakýatsııalady.
Qaza bolǵandar men zardap shekkender joq. Órttiń shyǵý sebebi, keltirilgen zalal anyqtalýda.
Jalyn sharpyǵan aýmaq kólemi 350 sharshy metrdi quraıdy.
Órt saǵat 15.06-da sóndirildi.
Tilsiz jaýdy aýyzdyqtaýǵa TJ departamentiniń, Polıtsııa departamentiniń jáne Apattar medıtsınasy ortalyǵy fılıalynyń kúshteri men quraldary 42 adam jáne 13 tehnıka jumyldyryldy.
