Pavlodarda kóshet ósirýge arnalǵan qoǵamdyq tálimbaq salyndy
PAVLODAR. KAZAQPARAT - «Pavlodar oblysynyń Azamattyq alıansy» zańdy tulǵalar birlestigi aǵash kóshetterin ósirýge arnalǵan qoǵamdyq tálimbaq saldy. Kóshetter úsh-bes jyldyń ishinde otyrǵyzýǵa daıyn bolady, dep habarlaıdy QazAqparat tilshisi.
«Tálimbaq bizdiń qaýymdastyqtyń múshesi bolatyn «Atameken-Rodına» qoǵamdyq birlestiginiń bazasynda salynyp jatyr. Bul uıymdy ıÝrıı Gashek basqarady. Bizdiń áriptesterimiz 15 jyldan asa ýaqyt boıy Otanymyzdyń jáne óz balalarynyń bolashaǵy úshin aǵash ósirýmen aınalysyp keledi», - deıdi oblystyq Azamattar alıansy jáne «ECOM» qoǵamdyq birlestiginiń tóraǵasy Svetlana Mogılıýk.
Onyń aıtýynsha, eki jyldyq qaraǵaı kóshetteri otyrǵyzylatyn shuńqyrlarlardy qazýǵa eriktiler kómektesken. Al bul kóshetter úsh-bes jyldan keıin qala kóshelerine otyrǵyzýǵa daıyn bolady.
«Qoǵamdyq tálimbaqty salýdaǵy basty ıdeıa mynaý: kógaldandyrý aktsııalaryn uıymdastyrýshylarǵa kóshetter tegin beriledi. Biraq olar odan keıin kóshetti baptap ósirýge kepildik berýi kerek», - dep óz sózin tolyqtyrdy Svetlana Mogılıýk.
