Pavlodarda kóshedegi dárethanaǵa 2 jasar qyz qulap ketti
NUR-SULTAN. QazAqparat -Oqys oqıǵa Almaty kóshesi, 22 mekenjaıy boıynsha ornalasqan úıde bolǵan, dep habarlaıdy pavlodarnews.
«3 shilde kúni saǵat 13:25-te Almaty kóshesi, 22 mekenjaıy boıynsha Pavlodarda aýladaǵy dárethanaǵa eki jasar qyz qulap ketkendigi týraly habarlama kelip tústi», - dedi oblystyq TJD baspasóz qyzmeti.
Oqıǵa ornyna bir tehnıka men tórt qutqarýshy shyqty. Qutqarýshylar dárethananyń edenin ashty. Alpınıstik qural-jabdyqtardyń kómegimen tómen túsip, balany alyp, medıtsına qyzmetkerlerine tapsyrdy.
«Jedel járdem brıgadasy oqıǵa ornyna shaqyrý túskennen keıin segiz mınýttan soń kelip jetti», - dep habarlady densaýlyq saqtaý basqarmasynda.
15.04.2017 jyly týǵan bala oblystyq balalar aýrýhanasynyń somatıkalyq bólimine jatqyzyldy. Ol dárethananyń shuńqyrynda qansha ýaqyt bolǵany belgisiz.
