Pavlodarda kóshede myltyq asynyp júrgen jasóspirim ustaldy
29 jeltoqsanda túngi saǵat 02:52-de Pavlodar qalasy Toraıǵyrov kóshesiniń boıynda patrýldik polıtsııa batalonynyń ınspektorlary 17 jasar jigitti ustady. Odan MTs-21-12 tegis uńǵyly, bir uńǵyly, bes oqpandy myltyq tárkilendi. Bul rette myltyq qaptalmaǵan túrde boldy. Kámeletke tolmaǵan jigittiń janynda ákesi boldy. Ol ortasha mas kúıde edi, mastyǵy medıtsınalyq túrde dáleldendi.
Anyqtalǵandaı, tárkilengen qarýdyń ıesi – jasóspirimniń ákesi. Onyń atyna IJ-58 taǵy bir myltyq tirkelgen.
– Osy fakt boıynsha 46 jastaǵy qarý ıesine qatysty qarýdy alyp júrý erejelerin buzǵany úshin QR ÁQBtK-niń 484-baby boıynsha ákimshilik is qozǵaldy. 10 AEK mólsherinde aıyppul salyndy. Qolda bar eki qarý ıesinen tárkilendi. Sondaı-aq ıesiniń azamattyq qarýdy saqtaýǵa jáne alyp júrýge ruqsatynyń kúshi joıyldy. Sonymen qatar qoǵamdyq orynda alkogoldik masań kúıde bolǵany úshin er adam jaýapkershilikke tartylyp, oǵan QR ÁQBtK-niń 440-baby boıynsha 5 AEK mólsherinde aıyppul salyndy, – dedi Pavlodar oblysy PD bastyǵynyń birinshi orynbasary Jasqaırat Qaıyrov.
Polıtsııa jyl basynan beri quqyqtyq 10781 azamattyq qarý ıesin tekserdi. Nátıjeleri boıynsha 693 adam ákimshilik jaýapkershilikke tartyldy. Túrli zań buzýshylyqtarǵa jol bergen 13 qarý ıesiniń ruqsaty joıyldy.
Foto: polisia.kz