Pavlodarda kóshi-qon zańnamasyn buzǵan 57 sheteldik azamat jaýapqa tartyldy

PAVLODAR. KAZINFORM — Polıtseıler el aýmaǵynda bolý zańnamalaryn elemeı, erejelerdi buzǵan shetel azamattaryn áli de anyqtap jatyr.

Oblys aýmaǵynda 13 qazannan bastap «Zańsyz kelýshi -2025» respýblıkalyq jedel-aldyn alý is-sharasynyń ekinshi kezeńi ótkizilip jatyr. Іs-shara maqsaty — zańsyz kóshi-qonǵa qarsy is-qımyldy jumyldyrý. 

— Tártip saqshylary 57 sheteldik azamattyń el aýmaǵynda bolý erejelerin buzǵanyn anyqtady. Olardyń barlyǵy jaýapqa tartyldy. Mysaly, Pavlodar oblysynyń Ertis aýylynda jeke vızamen kelgen kórshi memlekettiń azamaty anyqtalǵan. Zańda belgilengen merzimde ol respýblıkadan tys jerlerge shyqqan joq. Kóshi — qon salasyndaǵy zańnamany buzǵany úshin er adamǵa qatysty ákimshilik materıal toltyryldy, — dep habarlady óńirlik polıtsııa departamentinen.

Eske sala keteıik, asa iri kólemde jemqorlyq jasap, jasyrynyp júrgen kúdikti shetelde ustaldy.