Pavlodarda qos azamattyqpen júrgen erli-zaıypty elden shyǵaryldy
Pavlodar oblysynyń turǵyny áıelimen birge Qazaqstan azamaty bola tura Reseı Federatsııasynyń azamattyǵyn alǵan jáne ol jaıly tıisti organdarǵa habarlamaǵan.
– 15 mamyrda er adam jáne onyń jubaıy Reseı Federatsııasynyń azamattyǵyn alǵan, biraq ol jaıly qoldanystaǵy zańnamada belgilengen ýaqytta málim etpegen. Olarǵa qatysty QR ÁQBtK 496-babynyń 2-bóligi boıynsha ákimshilik materıal jasalyp, is sotta qaraldy. Sot qaýlysymen sheteldikterdi elden shyǵarý týraly sheshim qabyldandy, – dep habarlady Pavlodar oblysy Sharbaqty aýdany polıtsııa bóliminiń ınspektory Ádil Sháripov.
Sharbaqty aýdandyq polıtsııa departamenti baspasóz qyzmetiniń málimetinshe, Ákimshilik quqyq buzý kodeksiniń 496-baby 2-bóligine sáıkes belgilengen merzimde shetel azamattyǵyn alý faktisin habarlamaǵandarǵa 200 AEK mólsherinde aıyppul salynady. Nemese Qazaqstan aýmaǵynan ákimshilik jolmen shyǵaryp jiberedi.
