Pavlodarda qos azamattyqpen júrgen turǵyn elden shyǵaryldy

PAVLODAR. KAZINFORM - Polıtseıler Pavlodar oblysy Sharbaqty aýdanynyń turǵynynda qos azamattyq bar ekenin anyqtady. Reseı tólqujatyn alǵan áıel bul týraly kóshi-qon qyzmetine de, dıplomatııalyq ókildikterge de habarlamaǵan.

– Shetel azamattyǵyn alǵany týraly habarlamaǵany úshin áıel ákimshilik jaýapkershilikke tartyldy. Sharbaqty aýdandyq sotynyń sheshimimen ol Qazaqstan Respýblıkasynyń azamattyǵynan aıyrylyp, elimizdiń aýmaǵynan shyǵaryldy. Sondaı-aq oǵan Qazaqstan aýmaǵyna kirýge tyıym salyndy, – dep habarlady Pavlodar oblysy polıtsııa departamenti kóshi-qon qyzmetiniń bastyǵy Qanat Sartov.

Vedomstvonyń málimetinshe, jyl basynan beri óńirde shetel azamattyǵyn alǵany týraly habarlamaǵany úshin 5 azamat jaýapkershilikke tartylǵan. Olardyń ekeýi sot sheshimimen QR aýmaǵynan shyǵarylyp, elge kirýge tyıym salyndy.

Eske sala keteıik, ShQO-da qos azamattyqpen júrgen 11 adam elden shyǵaryldy.